Verslunarmiðstöðvar í Elche

Í Elche eru nokkrar stórar verslunarmiðstöðvar, El Corte Ingles, Laljub verslunarmiðstöðin og fleiri verslanir.   Auk þessara verslunarmiðstöðva er líka fjöldi annarra verslana víða um borgina.

Tax free

Þegar verið er að versla, fatnað, skó og fleira er gott að biðja um TAXFREE nótu, því þetta getur orðið ágætist upp, ef mikið er verslað.  Hér eru leiðbeiningar um hvernig á að bera sig að varðandi taxfree.

Greiðslukort

Þegar greitt er með greiðslukortum, er um að gera að fara varlega, passa upp á kortið og pinnúmerið.  Ekki geyma pinnúmerið á blaði í sama veski og þið geymið greiðslukortið, ef vasaþjófar næðu veskinu af ykkur.  Einnig að passa  að vera ekki með öll greiðslukortin í sama veskinu.

Greiðslunótur

Það er mjög góð regla að setja kassastrimilinn í innkaupapokann, þegar verslað er í stórverslunum, t.d. fataverslunum, því ef afgreiðslustúlkan gleymir einhverra hluta vegna að taka þjófavörnina af og þjófavarnarkerfið fer í gang, þegar farið er út úr versluninni, þá er gott að geta framvísað kassastrimlinum.

Passa upp á ökutækið.

Þegar ökutæki er skilið eftir, hvort sem er í bílastæðishúsi stórmarkaða eða úti á götu, passa þá upp á að hafa ekki nein verðmæti sýnilegt, setja alla innkaupapoka, tölvur, leiðsögutæki og önnur verðmæti í farangursrými ökutækis, þannig að það sjáist ekki inn um glugga.

Laljub verslunarmiðstöðin

Í L´Aljub verslunarmiðstöðinni í Elche er mikið úrval af verslunum og veitingahúsum.  Margar þekktar verslunarkeðjur eru með verslanir þarna, t.d. Primark, Bershka, Desigual, Guess, H&M, Jack&Jones og fleiri.  Þarna er líka fjöldinn allur af veitingastöðu, t.d Foster´s Hollywood, KFC, Häagen-Dazs, McDonald´s, Muerde La Pasta en á þeim veitingastað er buffet með yfir 150 réttir í boði.

Hér er slóðin inn á heimasíðu verslunarmiðstöðvarinnar.

El Corte Ingles verslunarmiðstöðin

Stór El Corte Ingles verslunarmiðstöð er í Elche.  Þar er fjöldi verslana og þekkt vörumerki.

Hér er slóð inn á heimasíðu verslunarmiðstöðvarinnar.

Heimilisfangið er:  Centro Comercial Ciudad de Elche Avda. Alcalde Ramón Pastor, 2 03204 Elche,

Vantar þig upplýsingar?

Ef þig vantar einhverjar upplýsingar um Costa blanca svæði, sendu okkur þá fyrirspurn eða skilaboð og við reynum að finna út úr því sem þú ert að leita að.

Hafðu samband!