Verslunarmiðstöðvar á Benidorm

Á Benidorm eru nokkrar verslunarmiðstöðar og fjöldi verslana.  Við nefnum hér eina, sem er aðeins fyrir ofan Benidorm.

Tax free

Þegar verið er að versla, fatnað, skó og fleira er gott að biðja um TAXFREE nótu, því þetta getur orðið ágætist upp, ef mikið er verslað.  Hér eru leiðbeiningar um hvernig á að bera sig að varðandi taxfree.

Greiðslukort

Þegar greitt er með greiðslukortum, er um að gera að fara varlega, passa upp á kortið og pinnúmerið.  Ekki geyma pinnúmerið á blaði í sama veski og þið geymið greiðslukortið, ef vasaþjófar næðu veskinu af ykkur.  Einnig að passa  að vera ekki með öll greiðslukortin í sama veskinu.

Greiðslunótur

Það er mjög góð regla að setja kassastrimilinn í innkaupapokann, þegar verslað er í stórverslunum, t.d. fataverslunum, því ef afgreiðslustúlkan gleymir einhverra hluta vegna að taka þjófavörnina af og þjófavarnarkerfið fer í gang, þegar farið er út úr versluninni, þá er gott að geta framvísað kassastrimlinum.

Passa upp á ökutæki

Þegar ökutæki er skilið eftir, hvort sem er í bílastæðishúsi stórmarkaða eða úti á götu, passa þá upp á að hafa ekki nein verðmæti sýnilegt, setja alla innkaupapoka, tölvur, leiðsögutæki og önnur verðmæti í farangursrými ökutækis, þannig að það sjáist ekki inn um glugga.

La Marina Centro Comercial

Verslunarmiðstöðin La Marina er rétt ofan við Benidorm.  Þarna er fjöldi verslana, m.a. IKEA auk þessu eru ýmis veitingahús þarna.

Hér er slóð inn á heimasíðu verslunarmiðstöðvarinnar.

Ef einhverjar spurningar vakna, ekki hika við að hafa samband.

Ekki hika við að senda okkur línu, ef einhverjar spurningar vakna varðandi verslanir og annað sem snýr að Benidorm.  Sumt vitum við annað ekki en reynum eins og við getum að aðstoða þig.

Hafðu samband