Það hefur verið sagt að Costa Blanca svæðið sé paradís golfarans en á svæðinu er fjöldinn allur af golfvöllum sem eru fyrsta flokks og hannaðir af fremstu golfurum heims.
Vellirnir á svæðinu eru opnir öllum og eru eins ólíkir og þeir eru margir. Ráðlegt er að panta rástíma fyrirfram en það er misdýrt að spila á þessum völlum. Á flestum völlunum er hægt að leigja golfbíla, kerrur eða golfsett. Vellirnir eru yfirleitt opnir frá klukkan 08:00 og fram undir myrkur. Í klúbbhúsunum er yfirleitt boðið upp á góða þjónustu fyrir spilara og gesti, góðir veitingastaðir, golfbúðir og fleira.